jeudi 4 juillet 2019

الشخصيات الأساسية : 
1ـ الأب : الحج كريم 
2 ـ الأم : الحجة كريمة 
3 ـ الأخت : سلمي
4 ـ الأخ الأكبر : حمادة
5 ـ الأخ الأصغر : يوسف

الجزء الي فات المحامي خبط علي الحجة كريمة والحجة كريمة فتحت الباب والمحامي دخل البيت المهم تعالوا بقاااا نعرف أي الي حصل في الجزء الثاني 

الحجة كريمة : قولي بقااا وفهمني محامي بتاع مين جوزي ومحامي لي أصلا مش فاهمه حاجة 
المحامي : انا هفهمك ياحجه الحج كريم أبوه الله يرحمه كان معاه أرض كبيرة أوي هتتباع بمبلغ 60 مليون جنية والأرض دي كانت بأسم جوزك الي هو الحج كريم 
الحجة كريمة : نعم هو عمره ما قال لي أن هو عنده أرض ولا أي حاجه من دي 
المحامي : ماهو كان قايلي أن مجبش سيرة لحد خالص علي الحكاية دي بس انا جيت النهاردة لأنها هتتباع وهتتباع بمبلغ كبير أوي فلازم يمضي علي البيعة الأول 
الحجه كريمة : هيمضي طبعا يالهوي 60 مليون جنية طبعا هيمضي مش محتاجة كلام أصلا 
المحامي : طيب لما يجي قوليلو أنو يجيلي المكتب انا مستنيه ممكن ؟ 
الحجة كريمة : طيب ماشي نورت يا أستاذ ..... 
المحامي : أستاذ محمد 
الحجة كريمة : نورت يا أستاذ محمد 
المحامي : مع السلامة 
الحجة كريمة : مع السلامة يالهووووي 60 مليون جنية أي ده بجد 
الباب بيخبط 
الحجة كريمة : حاضر انا جيه أهو الدنيا طارت 
الحج كريم : نسيت المفتاح في أي ساعة بتفتحي 
الحجة كريمة : بقولك ياحج المحامي جه هنا 
الحج كريم : محامي محامي مين ؟ 
الحجه كريمة : المحامي بتاع الأرض بيقولك أن الأرض جالها بيعة والبيعة ب60 مليون جنية طبعا هتوافق 
الحج كريم : طبعا مش هوافق هوافق أزاي الغلابة بتاكل عيش من الأرض دي وأنتي عارفه مين هيشتري الأرض دي واحد من أسرائيل 
الحجة كريمة : وأحنا ماالنا ياحج المهم ناخد الفلوس ونعيش بقاااا أحنا مالنا أحنا انت يعني الي هتصلح البلد 
الحج كريم : عمري ماهعمل كدة في حياتي أنتي فاهمه ولا فلوس الدنيا كلها وابيع الغلابة الي بياكلوا عيش منها عمري ما هعمل كدة أنتي فاهمه دول غلابة مش لايقين ياكلوا أققطع عيشهم علشان مين 
الحجة كريمة : أنت بتقول أي ياحج أنت بجد ولا أي حرام عليك بجد ودخلت علي المطبخ 
الحجة كريمة أتصلت بولادها وجمعتهم كلهم في البيت عندها والحج نايم والمحامي كمان جه معاهم 
المحامي : ياجماعة 60 مليون جنية هيخليكوا تعيشوا أي في البلد دي وممكن تسافروا برة مصر كمان 
يوسف : أة وأجيب البلاستيشن الي بحلم بيه 
سلمي : أة وأعمل كوافير الي بحلم بيه 
محمد : وأعيش عيالي أحسن عيشة وأعلمهم برة مصر بقاااا 
الحجة كريمة : بس أبوكوا ياعيال مش موافق هنعمل أي 
المحامي : عادي جدا أنا عامل حسابي هنجيب صباعوا وهو نايم وهنبصم بأيده بس أي رأيكوا 
الحجه كريمة وعيالها : بصوا لبعض : لا طبعا أحنا عمرنا ماهنعمل كدة 
المحامي : ياجماعة فكروا أنتو هتعيشوا أحسن عيشة وهتاكلو أحسن أكل 
كلهم بصوا لبعض وسكتوا 
المحامي : يلا ياحجة كريمة قومي ونامي جنمبه عادي وانتي نايمة خدي الورقة دي والبصامة دي وهاتي أيده وابصمي بأيده يلا مش عاوزين نضيع وقت 
الحجة كريمة : بصت لعيالها راحت خدت الورقة ودخلت علي الأوضة 
تفتكروا هتعمل أي ودة الي هنعرفوا في الجزء الثالث